Shoqata e Infektologëve të Kosovës ka shprehur ngushëllime për vdekjen e kolegut të tyre Dr. Liri Vranezi.
Vranezi ka vdekur në moshën 83-vjeçare, ka bërë të ditur familja e të ndjerit. Ai ka qenë specialistë i sëmundjeve infektive dhe u ka shërbyer qytetarëve të Prizrenit për më shumë se 40 vite.
Shoqata e Infektologëve të Kosovës i ka shprehur ngushëllimet më të sinqerta familjes dhe kolegëve. Kjo Shoqatë e vlerësuar lart kontributin profesional dhe human të Dr. Vranezit ndër vite.
“Përkushtimi i tij ndaj profesionit, humanizmit dhe edukimit të gjeneratave të reja, është i paçmueshëm. Emri i tij do të mbahet mend si njeri i urtë dhe gjithmonë në shërbim të pacientëve”, kanë deklaruar nga kjo Shoqatë.
Për vdekjen e Dr. Vranezit ka njoftuar edhe Oda e Mjekëve të Kosovës të cilët poashtu kanë shprehur pikëllimin e tyre. /Gazeta Shneta/