Më shumë se gjysmë miliardë njerëz në mbarë botën kanë hyrë në varfëri ekstreme gjatë pandemisë.
E, tërë kjo erdhi si rezultat i shpenzimeve të shumta për shërim, janë shprehur Organizata Botërore e Shëndetësisë dhe Banka Botërore shkruan Reuters.
Mësoni më shumë në lidhje me komplikimet e shtatzënisë KËTU
Pandemia ndërpreu shërbimet shëndetësore dhe shkaktoi krizën më të rëndë ekonomike që nga vitet 1930, duke e bërë edhe më të vështirë për njerëzit të paguajnë për kujdesin shëndetësor, transmeton Gazeta Shneta.
“Të gjitha qeveritë duhet të rifillojnë menjëherë dhe të përshpejtojnë përpjekjet për të siguruar që çdo qytetar i tyre të mund të aksesojë shërbimet shëndetësore pa frikë nga pasojat financiare”, tha Drejtori i Përgjithshëm i OBSH-së, Tedros Adhanom Ghebreyesus.
Tedros u kërkoi qeverive të rrisin fokusin e tyre në sistemet e kujdesit shëndetësorë.
Në mbarë botën, pandemia i përkeqësoi gjërat dhe mbulimi i imunizimit ra për herë të parë në dhjetë vjet, me vdekjet nga tuberkulozi dhe malaria në rritje./Gazeta Shneta/