SHSKUK dhe Kolegji i Kirurgëve të Kosovës kanë nënshkruar marrëveshje bashkëpunimi për pagesën e pjesërishme të pjesëmarrjes në kursin ATLS.
Shërbimi Spitalor Klinik dhe Universitar do të mbulojë një pjesë të pagesës për pjesëmarrësit në kursin ATLS i cili organizohet në kuadër të Kolegjit të Kirurgëve të Kosovës.
“Në takimin e sotëm ku mori pjesë edhe Dr. Baton Kelmendi, zv. Drejtor i Promulgimit të ATLS Kosova, MoU u nënshkrua nga Drejtori Ekzekutiv i Kolegjit, Dr. Sadik Llullaku dhe Drejtori i SHSKUK, z. Elvir Azizi, ku mes tjerash u dakordua që SHSKUK do të mbulojë pjesërisht çmimin për pjesëmarrje në kursin ATLS, gjersa bashkëpunimi i ngushtë do të bëhet edhe për planifikimin e profileve përkatëse të mjekëve që duhet të certifikohen me ATLS”, thuhet në njoftimin e KKK-së.
SHSKUK nuk ka dal me ndonjë komunikatë për këtë memorandum.
Më poshtë gjeni njoftimin e plotë nga KKK:
NËNSHKRUHET MEMORANDUMI I BASHKËPUNIMIT MES KOLEGJIT TË KIRURGËVE TË KOSOVËS DHE SHËRBIMIT SPITALOR KLINIK UNIVERSITAR TË KOSOVËS PËR KURSIN ATLS
Me shumë kënaqësi po e ndajmë lajmin se sot në ambientet e administratës së SHSKUK-së u nënshkrua Memorandumi i Bashkëpunimit (MoU) mes Kolegjit të Kirurgëve të Kosovës dhe Shërbimit Spitalor Klinik Universitar të Kosovës (SHSKUK) që do të ndihmojë në zhvillimin e rregullt të kursit ATLS.
Në takimin e sotëm ku mori pjesë edhe Dr. Baton Kelmendi, zv. Drejtor i Promulgimit të ATLS Kosova, MoU u nënshkrua nga Drejtori Ekzekutiv i Kolegjit, Dr. Sadik Llullaku dhe Drejtori i SHSKUK, z. Elvir Azizi, ku mes tjerash u dakordua që SHSKUK do të mbulojë pjesërisht çmimin për pjesëmarrje në kursin ATLS, gjersa bashkëpunimi i ngushtë do të bëhet edhe për planifikimin e profileve përkatëse të mjekëve që duhet të certifikohen me ATLS.
Kësisoj, po fillon të implementohet një nga objektivat kryesore të Kolegjit të Kirurgëve të Kosovës në bashkëpunim me institucionet shëndetësore të Kosovës për rritjen e cilësisë së shërbimeve të kujdesit emergjent traumatologjik, dhe të gjithë ata që do të kalojnë kursin me sukses do të pajisen me certifikatën e ATLS të njohur ndërkombëtarisht.
Siç kemi njoftuar më herët, tashmë Komiteti Ekzekutiv i American College of Surgeons ka aprovuar kërkesën e Kolegjit të Kirurgëve të Kosovës dhe Sanford Medical Center për përhapjen (promulgimin) e kursit ATLS në Kosovë.