Shërbimi Spitalor Klinik Universitar është furnizuar me penj kirurgjik përmes një procedure emergjente.
SHSKUK me procedurë emergjente ka nënshkruar kontratë për blerjen e penjve kirurgjik në vlerë mbi 99 mijë Euro, shkruan Gazeta Shneta.
Në këtë procedurë janë hapur tre lote, por vetëm lot 3 është përfunduar ndërsa në lot 1 dhe 2 nuk ka pasur oferta.
Lot 3 në vlerë 99,015.84 Euro i është dhënë kompanisë “Madekos” për furnizim me penj kirurgjik “Suture Absorbable Polyglactine”.
Përmes një procedure me vlerë minimale SHSKUK poashtu ka blerë penj kirurgjik edhe nga kompania “KO MED” në vlerë 987 Euro.
Kujtojmë se klinikat e QKUK-së dhe spitalet rajonale kanë vuajtur nga mungesa e penjve kirurgjik tash e disa muaj. /Gazeta Shneta/
