Shërbimi Spitalor dhe Klinik Universitar i Kosovës (ShSKUK) ka shpallur konkurs për përzgjedhjen e drejtorëve në disa institucione shëndetësore që veprojnë në kuadër të këtij shërbimi.
Sipas njoftimit zyrtar, konkursi është hapur në bazë të dispozitave ligjore që rregullojnë procedurat e pranimit në shërbimin publik në sektorin e shëndetësisë. Procesi është shpallur nga Sektori i Burimeve Njerëzore i SHSKUK-së, shkruan Gazeta Shneta.
Në kuadër të këtij konkursi parashihet përzgjedhja e drejtorëve për tre institucione shëndetësore, të cilët do të kenë mandat katërvjeçar dhe do t’i raportojnë drejtpërdrejt Drejtorit të Përgjithshëm të ShSKUK-së.
Pozitat e hapura janë:
– Drejtor i Qendrës Klinike Universitare të Kosovës (QKUK);
– Drejtor i Spitalit të Përgjithshëm në Ferizaj;
– Drejtor i Spitalit të Përgjithshëm në Vushtrri.
Për secilën nga këto pozita kërkohet një kandidat, ndërsa të interesuarit duhet të plotësojnë kriteret dhe kushtet e përcaktuara në konkurs, në përputhje me legjislacionin në fuqi për shërbimin publik.
Lexo për më shumë rreth kritereve, afateve dhe dokumenteve të nevojshme në këtë link. /Gazeta Shneta/