Kjo histori ka ndodhur në Napoli dhe i referohet një vajze të vogël që është braktisur në lindje, pra nuk ka arritur të njohë asnjë nga prindërit. Por jeta e saj ka marrë një kthesë të bukur pas 7 refuzimesh nga prindër të ndryshëm për ta adoptuar pasi ishte një fëmijë me sindromën Down. Pas shumë përpjekjesh për birësim dhe tentativash të dështuara, gjykata e minorenëve në Napoli e ka dhënë në birësim tek një baba beqar. Pra ky ishte një adoptim tepër special që ju mundësua një fëmije.
Ajo do të ketë përkrah vetëm të atin!
Fëmija u braktis në mënyrë anonime në spital dhe më pas të gjithë u angazhuan për të gjetur një familje për të. Rasti i këtij adoptimi nuk është si të tjerët pasi zakonisht një nga kushtet e adoptimit është që fëmija të merret nga të dy prindërit, pra nga nëna dhe babai. Ky adoptim u bë i mundur falë ligjit që ekziston në shtetin italian (ligji 184 i vitit 1983). Ky ligj parashikon përjashtime në rastet speciale, dhe këto quhen ‘adoptime speciale”, ku fëmija me një kusht të caktuar, si për shembull sindroma Down, mund të merret në birësim edhe nga një prind i vetëm.
Por mrekullia nuk qëndron vetëm tek aftësia e një shteti për të vendosur dhe për t’ju përmbajtur ligjeve të tilla kaq humane, i mrekullueshëm është veprimi i atij babai që kishte shumë kohë që kërkonte të merrte në adoptim një fëmijë me nevoja të veçanta. Ndërsa vajza është dhënë në periudhë prove 2 mujore (para adoptimi), dhe pritet të caktohet në një tjetër vendim adoptimi final, le të shpresojmë se të tilla nisma do të merren një ditë edhe në vendin tonë./pernenat/