Në shtatë ditët e para të muajit shtator kanë vdekur 181 qytetarë të Kosovës nga Covid-19.
Shifra të larta të vdekjeve po regjistrohen në javët e fundit në Kosovë nga pandemia Covid-19, shkruan Gazeta Shneta.
Gjatë ditës së sotme dhe dje, Ministria e Shëndetësisë ka raportuar nga 28 viktima nga sëmundja Covid-19.
Nga 31 gushti deri më 7 shtator kanë vdekur 181 persona nga Covid-19 në Kosovë. Në muajin gusht poashtu janë shënuar shifra të larta. Dita më e zezë ka qenë 29 gushti me plot 36 viktima.
Ndërkaq në total deri më sot në Kosovë kanë humbur jetën nga Sars-Cov-2 2685 qytetarë, ndërsa janë infektuar 126,409. /Gazeta Shneta/