Shtatë persona kanë rezultuar pozitivë me coronavirus nga 486 testime të bëra nga Instituti Kombëtar i Shëndetësisë Publike, përderisa nuk raportohet për të vdekur me COVID-19.
Në raportin 24 orësh të Ministrisë së Shëndetësisë poashtu thuhet se 25 qytetarë janë shëruar nga coronavirusi.
Aktualisht në Kosovë janë 328 raste aktive me COVID-19.
Sa i përketë vaksinimit nga ministria bëjnë të ditur se vetëm 20 doza të vaksinave janë dhënë gjatë 24 orëve të fundit.
Për më tepër se një vit në nivel vendi janë administruar mbi 1,8 milion doza të vaksinave. Mbi 822 mijë qytetarë janë të vaksinuar me doza të dyta ndërsa mbi 100 mijë janë të vaksinuar edhe me dozën e tretë dhe përforcuese.
MSh vazhdon të bëjë thirrje për vaksinimi kundër coronavirusit. /Gazeta Shneta/