Menopauza shënon fundin e periudhës riprodhuese të gruas dhe ndodh zakonisht mes moshës 45 dhe 55 vjeç (mesatarja është 51). Një grua konsiderohet postmenopauzale pas 12 muajsh pa menstruacione.
Gjatë perimenopauzës – vitet para menopauzës kur cikli menstrual bëhet i çrregullt – mundësia për shtatzëni bie ndjeshëm, por nuk është zero. Megjithëse disa sugjerojnë se mund të ketë një “rritje” të fertilitetit gjatë kësaj kohe, studimet nuk kanë gjetur prova për këtë, shkruan The Conversation transmeton Gazeta Shneta.
Në këtë periudhë, shumë gra përjetojnë simptoma si afshe të nxehta dhe djersitje natën, gjë që mund t’i bëjë të mendojnë se nuk mund të mbeten shtatzënë. Në realitet, edhe pse mundësia është shumë më e ulët krahasuar me moshat 20 ose 30 vjeç, konceptimi ende mund të ndodhë.
Statistikat tregojnë se në moshën 30 vjeç mundësia mujore për shtatzëni është rreth 20%.
Në moshën 40 vjeç bie nën 5%, ndërsa në moshën 45 vjeç është pothuajse e papërfillshme. Për më tepër, rreziku i dështimit të shtatzënisë rritet nga 10% në të 20-tat në mbi 50% pas moshës 45 vjeç.
Një rishikim i të dhënave demografike tregoi se mosha mesatare e lindjes së fundit ishte 38.6 vjeç.
Rastet e lindjes natyrale pas moshës 45 janë të rralla dhe shpesh përfshijnë përdorimin e teknologjive të ndihmuara të riprodhimit, si vezët e dhuruara.
Në përfundim, shtatzënia pas moshës 45 është e rrallë dhe shpesh e vështirë, por jo e pamundur. /Gazeta Shneta/