Ministri në largim i Shëndetësisë, Imet Rrahmani, ka propozuar sot shtyrjen e mbledhjes së premiumeve për sigurimet shëndetësore.
Rrahmani ka bërë këtë propozim në mbledhjen e Qeverisë, ku tha se mbledhja e premiumeve më 1 korrik në kushtet që janë krijuar tani, është e pamundur, transmeton Gazeta Shneta.
“Për shkak të rrethanave të krijuara në vend, nuk është e mundur fillimi i mbledhjes së premiumeve në datë e paraparë më 1 korrik”, ka deklaruar Rrahmani.
Ai ka propozuar që mbledhja e premiumeve të shtyhet deri në një afat kur të krijohen mundësitë.
Kjo është hera e dytë që Qeveria e shtynë mbledhjen e premiumeve për sigurimet shëndetësore.
Ky proces qenë i paraparë të filloj më 1 janar të këtij viti, ndërsa u shty nga Qeveria për 1 korrik, me arsyetimin se nuk janë bërë përgatitjet.
Gjithsesi mbledhja e premiumeve ishte kritikuar ashpër nga opozita për shkak të mos implementimit të plotë të Sistemit Informativ Shëndetësor, si dhe çmimores së barnave. /Gazeta Shneta/