Në 24 orët e fundit në klinikën e Gjinekologjisë në QKUK, janë kryer gjithsej 25 lindje.
Më shumë se gjysma e këtyre lindjeve, 16 sosh, janë bërë me operacion cezarian, raporton Gazeta Shneta.
Gjatë ditës së djeshme profesionistë shëndetësorë kanë mbajtur një tryezë ku kanë alarmuar për numrin në rritje të këtyre lindjeve. Sipas tyre, një nga faktorët kryesor është mungesa e informimit tek nënat, të cilat insistojnë që të lindin me operacion.
Në raportin e Gjinekologjisë për ditën e djeshme, është regjistruar edhe një lindje me fëmijë binjak.
Sipas gjinisë, 13 bebe janë të gjinisë mashkullore dhe po aq të gjinisë femërore.
Ndërsa 15 gra janë bërë nëna për herë të parë. /Gazeta Shneta/