Studimi i fundit ka gjetur një lidhje të fortë mes humbjes së parakohshme të flokëve dhe thinjave, me sëmundjet e arteries koronare.
Egziston një mënyrë për ta treguar nëse jeni të rrezikuar nga sëmundjet e zemrës, vetëm duke u shikuar në pasqyrë, transmeton Gazeta Shneta për Men’s Health.
Një studim i fundit me mbi 2,000 burra të rinjë ka gjetur se thinjat e hershme dhe rënia e hershme e flokëve mund të jenë indikator të sëmundjeve të arteries koronare.
Studimi i zhvilluar nga Shoqëria e Kardiologëve të Europës, sygjeron se burrat që përjetojnë rënie të hershme të flokëve apo thinja janë në rrezik të lartë të zhvillimit të sëmundjeve të zemrës. Për çudi shumë më shumë se sa burrat që vuajnë nga obeziteti.
Studimi u bazua në kontrollimin e 790 burrave nën moshën 40 vjeçare, të cilët tashmë kishin një sëmundje të zemrës dhe 1,270 burrave të shëndetshëm nga e njejta moshë. Studimi gjeti se burrat në grupin e sëmundjeve të zemrës, ishin 5 herë më të prirur për thinjen e flokëve – 50% krahasuar me 30% të burrave të shëndoshë, dhe 5.6 herë më të prirur për rënie të hershme të flokëve – 49% kundër 27% se sa grupi tjetër.
Përderisa ky lajm mund të jetë shokues për burrat nën moshën 40 vjeçare që tashmë kanë vërejtur thinja apo rënie të flokëve, shikojeni edhe anën pozitive të kësaj.
Një mënyrë e lehtë për të dalluar nëse trupi juaj është në rrezik nga ndonjë sëmundje u jep mundësinë më shumë që të dalloni atë më herët dhe ta kuroni.
Pra, edhe nëse sëmundja juaj e zemrës nuk mund të evitohet gjenetikisht, ju mundeni të bëni shumë që të parandaloni përkeqësimin e saj varësisht nga hapat që ndërmerrni sot./Gazeta Shneta