Sëmundja e Alzheimerit aktualisht prek rreth 32 milionë njerëz në mbarë botën dhe nuk ka shërim.
Një nga teoritë kryesore pas sëmundjes së Alzheimerit është akumulimi i proteinave beta-amiloide dhe tau në tru, shkruan burimi Medical News Today përcjell Gazeta Shneta.
Studiuesit nga Universiteti i Shëndetit dhe Shkencës në Oregon tregojnë për herë të parë se si sistemi glimpfatik i trurit largon ‘mbeturinat’ që mund të shkaktojnë probleme më tej.
Shkencëtarët besojnë se ky zbulim thekson rëndësinë e gjumit cilësor për të mbajtur funksionimin e duhur të sistemit të heqjes së mbeturinave të trurit.
Mbetet e paqartë se deri në çfarë mase këto gjetje mund të kenë implikime për sëmundjen e Alzheimerit dhe forma të tjera të demencës.
“Alzheimer dhe disa sëmundje të tjera progresive të trurit – si sëmundja e Parkinsonit – shkaktohen nga akumulimi jonormal i proteinave në tru,” tha Dr. Juan Piantino, profesor i asociuar i pediatrisë në Divizionin e Neurologjisë në Universitetin e Shëndetit dhe Shkencës në Oregon.
“Heqja e këtyre proteinave është thelbësore për shëndetin e trurit, por procesi është kuptuar keq. Nëse mund të përmirësojmë aftësinë e trurit tonë për të hequr proteina të tilla, ne mund të jemi në gjendje të ndryshojmë rrjedhën e këtyre sëmundjeve,” sugjeroi ai.
Piantino është autori i një studimi të ri që për herë të parë tregon se si sistemi glimpfatik i trurit i pastron këto proteina, duke theksuar rëndësinë e masave të stilit të jetesës, siç është gjumi i mjaftueshëm cilësor për të mbajtur funksionimin efikas të sistemit të pastrimit të mbeturinave.
Studimi është publikuar së fundmi në revistën “Proceedings of the National Academy of Sciences”. /Gazeta Shneta/