Sistemi imunitar i një foshnje të porsalindur nuk është aq i fortë sa i një personi të rritur dhe kështu trupat e tyre të dobët janë të paaftë për të luftuar sëmundjet dhe mikrobet.
Sidoqoftë, natyra i ka dhuruar nënave fuqinë që të kalojnë antitrupat me imunitetin e tyre ndaj atyre të foshnjave shkruan FirstCryParenting.
Përmes ushqyerjes me gji dhe imunizimit, përmirësimi i imunitetit të fëmijës tuaj është i mundur. Kjo është veçanërisht thelbësore gjatë muajve të parë kur shëndeti i tij është më i prekshëm përcjell Gazeta Shneta.
Ndërkohë, këshillat e mëposhtme mund të ndihmojnë në rritjen e imunitetit tek bebet:
1) Ushqyerja me gji
Qumështi i gjirit është i fortifikuar me të gjithë përbërësit e duhur në sasitë e duhura si yndyrnat, proteinat, sheqernat, probiotikët dhe antitrupat, thelbësorë për mbështetjen e sistemit imunitar të fëmijës tuaj.
Të gjithë antitrupat e zhvilluar nga nëna për të luftuar mikrobet i kalohen fëmijës përmes qumështit të gjirit.
2) Suplementet
Bakteret e zorrëve, të cilat janë jashtëzakonisht të rëndësishme për imunitetin, mund të humbasin fuqinë e tyre nëse merren antibiotikë.
Probiotikët janë një mundësi e rekomanduar për forcimin e imunitetit pas një kursi antibiotikësh.
Edhe nga pikëpamja e sigurisë, probiotikët janë të sigurt gjatë shtatëzanisë së vonshme dhe fazës pas lindjes.
Por është mirë që të diskutoni me mjekun tuaj përpara se të filloni çdo lloj suplementi për fëmijën.
3) Vaksinimi
Një nga mënyrat më efektive dhe të sigurta për të mbrojtur bebet nga sëmundjet serioze është vaksinimi i tyre.
Vaksinimi shkakton një përgjigje imune në një mënyrë të ngjashme me atë që do të bënte një baktere ose virus.
Ta themi thjesht, sistemi imunitar i bebës tuaj do të identifikojë mikrobin kur të vijë në kontakt me të në të ardhmen. Pastaj do të japë një përgjigje që do të parandalojë çdo ndërlikim serioz nga zhvillimi dhe luftimi i sëmundjes.
4) Ushqimi i duhur
Një dietë e shëndetshme është çelësi i imunitetit të fortë tek bebet.
Brokoli, spinaqi, domatet dhe patatet mund të shtohen në dietën e një fëmije përmes lëngjeve dhe pureve.
5) Gjumi
Është vërejtur që bebet të cilat nuk kanë gjumë për numrin e nevojshëm të orëve bëhen irrituese dhe gjithashtu kanë tendencë të bien pre e sëmundjeve.
Bebi juaj duhet të bëjë gjumë të duhur gjatë gjithë ditës dhe të fle mirë gjatë natës.
Është e nevojshme të forconi sistemin e tyre imunitar, të rifitoni energjinë e tyre të humbur dhe të forconi fuqinë e tyre të trurit. /Gazeta Shneta /
