Meqenëse foshnjat nuk kanë sistem imunitar të formuar plotësisht, kjo do të thotë që ata mund të preken rëndë nga virusi.
Në fund të marsit, një foshnjë 6-javore në Connecticut, u bë viktima më e re e njohur, pasi testoi pozitivisht për COVID-19 shkruan Parents transmeton Gazeta Shneta.
Sipas studimit të AAP (Akademisë Amerikane të Pediatrisë) për të prekurit në Kinë, ndërsa fëmijët e të gjitha moshave janë të ndjeshëm, bebet mund të jenë më të prekshme. Përqindja e rasteve të rënda dhe kritike ishte 10.6 përqind për bebet nën moshën 1 vjece dhe 7.3 përqind për fëmijët e moshës 1 deri në 5 vjec.
Sidoqoftë, bebet shfaqin simptoma të buta në shumicën e rasteve, por gjithashtu mund të jenë asimptomatike.
Në Kinë, për shembull, vetëm nëntë foshnje ishin të konfirmuar si raste me koronavirus midis 8 dhjetorit deri me 6 shkurt, sipas një raporti të 14 shkurtit të botuar në JAMA.
Foshnjat ishin midis 1 muajsh dhe 11 muajsh, por asnjëra nuk kërkonte kujdes intensiv. Asnjë ndërlikim i rëndë nuk u raportua.
Por, ndërsa ky është një lajm i shkëlqyeshëm, ai mund të çojë në një problem tjetër: Foshnjat mund të përhapin koronavirus padashur te prindërit ose kujdestarët e tyre.
Merrni këtë si rast në Singapor të botuar në revistën ‘Sëmundjet Klinike Infektive’, e cila përfshin një bebe 6 muajsh.
Pasi një nënë dhe dado u shtruan në spital me pneumoni — dhe babai u solle me ethe dhe dhimbje të fytit, stafi i spitalit zbuloi që bebja kishte nivele të larta të koronavirusit në fyt, gjak dhe jashtëqitjen” e tij, sipas Los Angeles Times.
Bebja ishte asimptomatike, gjë që bëri që koronavirusi të përhapet lehtësisht tek kujdestarët.
Ai nuk zhvilloi asnjë simptomë gjatë një qëndrimi të ardhshëm në spital (me përjashtim të një ethe shumë të shkurtër).
Këto “raste të heshtura” mund të ndihmojnë përhapjen e koronavirusit edhe më tej, gjë që është veçanërisht shqetësuese për gjyshërit dhe kujdestarët me sistem imuniteti të dobët. /Gazeta Shneta/