Truri ynë ka aftësinë e natyrshme për të kufizuar kujtimet negative, që kontribuon në ruajtjen e shëndetit tonë mendor.
Megjithatë, një studim i ri nga Universiteti i York-ut dhe Universiteti i East Anglia në Mbretërinë e Bashkuar sugjeron se gjumi i ndërprerë apo dhe humbja e gjumit pengojnë këtë aftësi, duke bërë që kujtimet e situatat e padëshiruara të jenë më të qëndrueshme, shkruan burimi Medical News Today transmeton Gazeta Shneta.
Kjo mund të kontribuojë në një gamë sëmundjesh mendore, si ankthi, depresioni dhe madje çrregullimi i stresit post-traumatik (PTSD).
Po bëhet gjithnjë e më e qartë se gjumi luan një rol të rëndësishëm në ndihmën për ruajtjen e shëndetit të trupit, duke përfshirë shëndetin e trurit dhe shëndetin mendor.
Dr. Marcus Harrington, PhD, një nga autorët e studimit dhe lektor në psikologji në Universitetin e East Anglia, i specializuar në gjumë, kujtime, emocione dhe shëndetin mendor tha se:
“Shumica e njerëzve do të kenë një përvojë traumatikë në një moment të caktuar në jetën e tyre, por vetëm një pjesë e vogël do të zhvillojnë çrregullim të stresit post-traumatik (PTSD). Pse disa njerëz shërohen nga trauma efektivisht, ndërsa të tjerët mbeten me simptoma të rënduara? Të përgjigjemi në këtë pyetje të vështirë është një objektiv kryesor në psikologjinë klinike. Një faktor që dimë se rrit mundësinë e zhvillimit të PTSD pas traumës është gjumi i dobët. Megjithatë, nuk e dimë se çfarë është te humbja e gjumit që duket se i bën njerëzit më të ndjeshëm ndaj PTSD dhe problemeve të tjera të shëndetit mendor”.
Fakti që privimi nga gjumi duket se ndikon në aftësinë për të shtypur kujtimet dhe mendimet e padëshiruara mund të ketë pasoja të rëndësishme për çrregullimet e humorit si depresioni dhe ankthi dhe kushte të tjera si PTSD, sugjeruan studiuesit. /Gazeta Shneta/