Nëse balanci mes jetës dhe punës është një çështje problemtaike brenda lidhjes tënde atëherë këshillat e mëpshtme mund t’iu ndihmojnë.
Nuk ka rëndësi kohëzgjatja por cilësia
Edhe në raportet familjare dhe ato mes çiftit, shumë shpesh shikohet cilësia e atij raporti se sa kohëzgjatja, në kuptimin se sa kohë kaloni së bashku. Kur të ktheheni nga puna mund të caktoni një 10-minutësh që të lexoni se bashku në heshtje. Ky aktivitet në karahasim me një bisedë shabllone rreth ditës që patët, do të jetë shumë më brendësor dhe iu lidh emocionalisht edhe pa e vërejtur ju mirë, shkruan Huffpost, përcjellë GazetaShneta.
Vlerëso faktin që partneri juaj është punëtor
Mos harroni t’ia bëni me dije se ju i vlerësoni shkathtësitë e tij punëtore. Atëherë kur partneri juaj është i fokusuar në punë, nuk është e shëndetshme t’ia kërkoni që të lëjë çfarëdo që ishte duke bërë. Është njejtë si t’i kërkosh një fëmije ta lërë sheshin e lojërave ende pa provuar të gjitha lodrat. Bëni durim!
Kaloni sa më pak kohë në telefon
Ka shumë gjasë që tërë kohën e lirë çiftet ta kalojnë duke kontrolluar telefonin dhe rrjetet sociale. Nuk është gabim nëse kërkoni nga partneri që të largojë telefonin pasi ka ardhur nga puna. Sigurohuni ta kërkoni me xhentilesë, dhe se as ju po ashtu nuk jeni të fiksuar pas telefonit. Do të ishte absurde nëse këtë ia kërkoni përderisa ju keni telefonin tuaj në dorë.
Rikonstruktoni mënyrën se si i thoni fjalët
Komunikimi është çelësi i çdo gjëje andaj edhe në raportet personale ai luan një rol të mash. Ka shumë mundësi që deri në këtë pikë ju vetëm se keni betonuar një lloj të folurit me partnerin tuaj dhe ky mund të jetë shkas i problemeve tuaja në çift. Reflektoni në mënyrën se si i thoni fjalët. Mendoni nëse ndonjëherë përdorni një ton acarues (edhe pa vetëdije); përdorni sa më pak kritika, mos fajësoni tjerët dhe kushtet e jashtme…
Planifikoni pushime së bashku
Para si t’i kërkoni të largohet paksa nga puna, pse nuk përpiloni një plan pushimi së bashku. Mund të jetë një udhëtim me veturë nëpër qytet, një piknik i lezetshëm, vizitë në ndonjë park ose muze… Caktoni ditën dhe orën e saktë dhe bëjani me dije se ky pushim do t’i përshtatet kokë e këmbë orarit të tyre të punës.
Përmirësoni marrëdhënien tuaj ashtu siç do ta përmirësonit një problem tek puna
Shpesh në punë na rastis të përballemi me probleme të papritura dhe krejt pa e ditur në fund të ditës ju do arrini ta rregulloni atë çështje mbase edhe pa u vërejtur. Atëherë pse nuk mund ta bënë gjënë e njejtë edhe në lidhjen tuaj Derdhni energjitë në gjetjen e zgjidhjeve dhe jo në shtimin e ankesave. Do e shihni se sa shpejt ky mentalitet do ju përmirësojë raportin tuaj me partnerin por edhe jetën tëndë në përgjithësi. /GazetaShneta/