Teknologjia ARNm e vaksinave COVID-19 mund të forcojë trajtimet e kancerit që përdorin sistemin imunitar të trupit për të luftuar tumoret, sipas një studimi të ri. Pacientët me kancer që morën një vaksinë ARNm, si ato të Pfizer ose Moderna, brenda 100 ditëve nga fillimi i imunoterapisë, patën rezultate shumë më të mira se ata që nuk u vaksinuan.
Sipas burimit Euronews Health, imunoterapitë kundër kancerit trajnojnë sistemin imunitar të trupit për të njohur dhe shkatërruar tumorët dhe përdoren shpesh për kanceret e avancuara, kur trajtimet e tjera nuk funksionojnë, transmeton Gazeta Shneta.
Studiuesit amerikanë ndoqën më shumë se 1,000 pacientë me kancer të mushkërive ose të lëkurës që morën vaksina ARNm gjatë periudhës prej 100 ditësh pas fillimit të imunoterapisë.
Pas vaksinimit, sistemi imunitar i pacientëve u stimulua ndjeshëm dhe ata jetuan më gjatë se ata që nuk u vaksinuan.
Për shembull, shkalla e mbijetesës trevjeçare për pacientët me kancer të mushkërive ishte 55.7% kundrejt 30.8%.
Ekspertët thonë se vaksina mund të ketë “shpejtuar përgjigjen ndaj trajtimit,” duke nxitur një përgjigje të përgjithshme imunitare, sikur trupi të luftonte një virus, në vend të një proteine specifike të tumorit.
Shkencëtarët po eksplorojnë gjithashtu përdorimin e teknologjisë ARNm për vaksina të personalizuara kundër kancerit dhe trajtime që synojnë gjenet e zakonshme në disa tumore.
Megjithatë, ekspertët paralajmërojnë se rezultatet e hershme duhet të konfirmohen me provë klinike të rastësishme.
Nëse gjetjet mbeten të vlefshme, ARNm mund të ndihmojë në krijimin e trajtimeve të reja për më shumë pacientë me kancer dhe ndoshta një vaksinë universale “off-the-shelf” kundër kancerit mund të zhvillohet në të ardhmen. /Gazeta Shneta/