Mamia Razije Musa ka treguar tetë hapa që duhet të ndërmerren për t’i mësuar bebet pa qumësht të gjirit.
Si të mësohemi pa qumësht gjiri ?
Të dashura nana, shumë nga ju më pyesni se cila është metoda më e mirë për të larguar qumështin e gjirit nga fëmija. E di se shumë nga ju kaloni në situata të vështira sepse tashmë fëmija ka krijuar një lidhje me gjirin dhe e ka të vështirë të mësohet pa të por edhe ju mund të kaloni në periudha të vështira me mastit.
Unë kam disa këshilla për ju:
-Nëse beba pin 5 deri në 6 herë brenda ditës, është mirë që të filloni të ja hiqni gradualisht nga një racion, kështu i ndihmoni vetes që të prodhoni më pak qumësht dhe i ndihmoni bebes që të mësohet me më pak racione. Kur beba e kërkon gjirin gjatë ditës mundohuni të luani me të dhe të i’a heqni vëmendjen nga kërkesa e tij.
-Është shumë me rëndësi që beba të mos flej natën në krevatin e njejtë me nanën sepse kështu e ndjen afërsinë dhe e kërkon gjirin.
-Është mirë që nana të bëjë dush të nxehtë në mënyrë që të mos bllokohen duktet e qumështit.
-Mos e përdorni pompën për zbrazjen e qumështit, bëjëni vetëm me dore sa me i liru, lërini që të rrjedhin vetë.
-Veshni jelekë të përshtatshëm për gjidhënie ashtu që të mos fiksohet dhe të keni siklet/
-Mos i provoni metodat e tilla si t’i lyeni gjinjtë me kafe apo t’i thoni bebes se është prish qumështi mund të krijohet traumë të ai prandaj aplikoni metodat më të pranueshme për të dyja palët.
-Vendosni fleta lakre të ftohta në gjinjë
-Nëse beba është mbi 1 vit dhe e refuzon çdo qumësht mos u bëni merak mjafton t’i jepni kos, djathë dhe produkte të tjera të qumështit, me kohë do të filloj ta konsumojë.
Unë edhe në librin tim por edhe në bisedë me çdo nanë them se më e mira që mund t’a bëni për fëmijën tuaj është që t’a ushqeni me qumësht gjiri.
Me dashuri, Razija