Nënkryetari i Sindikatës së Punëtorëve Shëndetësor të QKUK-së Enlirat Duraku ka dal me një reagim kundër ud. drejtoreshës së Shërbimit Spitalor Klinik Universitar Pranvera Zejnullahu-Raçit.
Zejnullahu-Raçi ditët e fundit ka dal me disa urdhëresa për stafin e klinikave dhe spitaleve, ku ndër të tjera ka obliguar infermierët që të merren me furnizimin me barëra, evidentimin e palëve, thirrjen e mjekëve në rast nevoje për pacientë, etj.
Për këtë ka reaguar Duraku duke thënë se SHSKUK nuk mund t’i ngarkojë me punë shtesë infermierët e të mos i paguaj për këto obligime.
“Nuk e di se kush po mendon se është drejtorsha e re, mirëpo nëse një infermier kujdeset për 20 deri në 30 pacient, ndërsa t’i ngakohet edhe detyra e furnizimit me barëra, obligimi i panevojshëm i evidentimit se kur hynë ose kur del nga dhoma, detyrimi që infermieri t’a thërret mjekun i cili duhet të jetë aty duke mos pasur nevojë pë ftesë, kjo është turpëruese, indikator i paaftësisë në menaxhim dhe fatkeqësisht shenjë e dështimit qysh në fillim”, thuhet në reagimin e Durakut.
Reagimi i plotë:
Duket se drejtoresha e re e SHSKUK-së e ka fillu punën me “hu në krah” siç thotë populli.
Nuk përmirësohet dhënia e shërbimeve duke i ngarku infermierët me punë shtesë dhe pa pagesë apo kompenzim për atë punë.
Duhet dialog me sindikatën si dhe konsideratë për norma ligjore të cilat duhet respektuar dhe jemi të obligiar t’u përmbahemi nëse dëshirojmë të kemi përmirësim të shërbimeve në QKUK.
Nuk e di se kush po mendon se është drejtorsha e re, mirëpo nëse një infermier kujdeset për 20 deri në 30 pacient, ndërsa t’i ngakohet edhe detyra e furnizimit me barëra, obligimi i panevojshëm i evidentimit se kur hynë ose kur del nga dhoma, detyrimi që infermieri t’a thërret mjekun i cili duhet të jetë aty duke mos pasur nevojë pë ftesë, kjo është turpëruese, indikator i paaftësisë në menaxhim dhe fatkeqësisht shenjë e dështimit qysh në fillim.
FSSHK duhet dhe personalisht do insistoj që të diskutohet kjo çështje duke marrë për bazë edhe interpretimet ligjore si dhe opinionet e shoqatave profesionale të infermierëve si dhe Oda e Infermierëve të Kosovës në përpjekje që infermierëve t’ua lehtësojmë zhvillimin e veprimtarisë për t’i dhënë shërbime cilësore qytetarëve si dhe në përpjekje që t’i ruajm këta infermier që kanë mbetur të mos ikun nga Kosova.
Javën që vie do ftojmë takim me të gjithë akterët, shoqatat profesionale, OIK, sindikatat brenda QKUK-së që të dakortësohemi për dialog dhe zgjidhje civile, duke shpresuar që mos të ketë nevojë për bojkot të punës dhe ndërprerje të shërbimeve.
Infemrier nuk është skllav !