Rreth 8 mijë e 400 raste të reja me kancer janë diagnostifikuar në Maqedoninë e Veriut.
Në një intervistë për Gazetën Shneta, Prof. Dr. Ilir Ismaili, onkolog në Klinikën Onkologjike në Shkup tregon se gjinia mashkullore është më e prekur nga kjo sëmundje.
“Gjinia mashkullore ka rreth 54% të rasteve ndërsa gjinia femërore ka 46% të paraqitjes së kancereve të diagnostifikuar çdo vit në Republikën e Maqedonisë së Veriut”, u shpreh Dr. Ismaili.
Tutje ai tregon se kanceri i pulmonit dhe kanceri i gjirit janë më të përhapura në vendin maqedonas.
“Sa i përket gjinsë mashkullore si lider i parë është kanceri i i pulmonit, kanceromi i zorrës së trashë, kanceri i prostatës ndërkaq sa i përket gjinisë femëorë si lider i paraqitjes së kancereve me mbi 1 mijë e 50 pacientë të diagnostifikuar është kanceri i gjëndrrës së gjirit dhe i qafës së mitrës”, thekson Dr. Ismaili.
Sa i përket trajtimeve që kryhen në Klinikën Onkologjike në Maqedoni të Veriut, Dr. Ismaili u shreh se në këtë klinikë janë të gjitha shërbimet e nevojshme për trajtimin e sëmundjeve onkologjike.
“Në regjionin e Ballkanit ne jemi lider sa i përket kimioterapisë, por flasim edhe për targetimin por edhe tretmanin biologjik i kemi që të gjitha preparatet e nevojshme të cilët pacientëve iu nevojiten për trajtimin e mirëfilltë dhe adekuat të sëmundjeve kancerogjene”, potencoi tutje Dr. Ismaili.
Për këto dhe detaje të tjera ndiqni videon më poshtë: