Në Qendrën e Mjekësisë Familjare në lagjen Velania në Prishtinë, në mungesë të pajisjeve mjekësore stafi është detyruar të bëjë një zgjidhje për mbajtjen e barnave.
Pasi kanë ngrënë akulloren, dikush nga stafi i QMF-së dha një ide e cila do të plotësonte mungesën e pajisjes adekuate. Ata vendosën që plastiken ku mbahej akullorja, ta përdorin për t’i mbajtur barnat, shkruan Gazeta Shneta.
Një pacient mbeti i habitur nga ky veprim i mjekëve në QMF dhe kur i pyeti pse i vendosin barnat në këtë plastikë, ata i thanë se nuk kanë pajisje të tjera.
Duke marr parasyshë se sa mund të jetë higjienike një gjë e tillë dhe përveç se nuk sterilizohet, plastika mban baktere gjatë gjithë kohës, kjo gjë është skandaloze për shërbimet shëndetësore në Prishtinë.
Përveç plastikës, siç shihet në fotografi edhe mjetet për pastrimin e plagëve mbahen në një kavanoz ushqimi.
Të gjitha këto janë potencial për të rrezikuar infektimin e ndonjë pacienti, gjatë pastrimit të plagëve apo trajtimeve tjera. /Gazeta Shneta/