Një studim i publikuar në Nature tregon se skanimi i trurit për 30 minuta për person është më i leverdishëm dhe më i saktë sesa skanimi i shumë njerëzve për periudha të shkurtra.
Sipas studiuesve nga Universiteti Kombëtar i Singaporit, kjo qasje mund të kursejë deri në 22% të kostos dhe të përmirësojë parashikimet që bëjnë modelet e inteligjencës artificiale për aftësitë njohëse dhe rrezikun për sëmundje si Alzheimeri.
Zbulimi sfidon qasjen tradicionale “më shumë njerëz, më mirë”, duke treguar se më shumë të dhëna për individin mund të jenë më të vlefshme se sa më shumë pjesëmarrës.
Studiuesit thonë se kjo metodë mund të ndihmojë kërkimet në neurologji dhe psikiatri të bëhen më efikase dhe më të personalizuara./Gazeta Shneta/