Specialistët e psikologjisë klinike sërish kanë protestuar para administratës së Shërbimit Spitalor Klinik Universitar.
Ata po kërkojnë anulimin e konkursit për dy pozita të lira për psikolog klinik, pasi po e konsiderojnë si konkurs të padrejtë dhe të fushatës zgjedhore, shkruan Gazeta Shneta.
Njëri nga ta, Dr. Latif Hoxha, thotë se shteti ka investuar mijëra euro për shkollimin e tyre specialistik ndërsa tani qytetarët nuk po e marrin shërbimin për të cilin kanë investuar.
“QKUK po kërkon psikolog klinikë ndërkohë që QKUK është institucion terciar. Neve po na mohohet e drejta e punës dhe nuk do të ndalemi derisa të na garantohen e drejta jonë. Shteti ka bërë investim kapital për edukimin tonë dhe ky investim duhet t’iu kthehet qytetarëve me shërbimet tona”, ka deklaruar Hoxha për Ekonomiaonline.
Edhe specialisti tjetër Imri Zabeli ka thënë se SHSKUK e ka hap konkursin gjatë fushatës zgjedhore dhe prandaj duhet të anulohet. “SHSKUK arsyetohet se nuk ka buxhet por kjo nuk është e vërtet. Deri më tani drejtori nuk na ka pranuar për të biseduar për kërkesat tona”, ka thënë Zabeli.
Ata kanë shprehur gatishmërinë e tyre për t’u përballë me drejtorin e SHSKUK-së Dr. Basri Sejdiu dhe për t’ia sqaruar argumentet e tyre pse po konsiderojnë se po iu bëhet e padrejtë. /Gazeta Shneta/
