Gjatë muajit gusht, Spitali i Përgjithshëm “Isa Grezda” në Gjakovë ka trajtuar mbi 1,400 pacientë të hospitalizuar në repartet e ndryshme, duke përfshirë kirurgjinë, ortopedinë, urologjinë, gjinekologjinë dhe neonatologjinë.
Sipas të dhënave të spitalit, gjatë këtij muaji janë kryer gjithsej 146 operacione, përfshirë 57 në kirurgji, 16 në ortopedi dhe 53 në akusheri. Gjithashtu, janë regjistruar 153 lindje, prej të cilave 53 me prerje cezariane, shkruan Gazeta Shneta.
Shërbimet ambulatore kanë arritur mbi 12,000 vizita, duke përfshirë 325 shërbime CT, 1,349 shërbime në Ro-Kabinet dhe 786 shërbime në Njësinë e Mjekësisë Fizikale me Rehabilitim.
Gjithashtu, 2,967 pacientë kanë përfituar shërbime laboratorike, ndërsa Reparti i Hemodializës ka kryer 838 dializa./Gazeta Shneta/
