Spitali i Përgjithshëm i Pejës ka publikuar të dhënat e 24 orëve të fundit, ku vetëm gjatë ditës së djeshme janë kryer 3,703 analiza laboratorike për 326 pacientë.
Përveç analizave, stafi mjekësor ka realizuar një numër të madh shërbimesh të tjera për qytetarët: 476 vizita specialistike, ndërsa 25 pacientë u pranuan për shërim. Aktualisht, 228 pacientë po marrin trajtim në spital.
Në aspektin kirurgjikal, janë kryer 11 operime, ndërkohë që në shërbimet e tjera përfshihen: 32 dializa, 77 ekzaminime me rëntgen, 50 me ultrazë, 16 skanime CT dhe 12 rezonanca magnetike (MRI). Po ashtu janë realizuar 11 ekokardiografi, 4 ergometri, 5 gastroskopi dhe 55 shërbime fiziatrike. /Gazeta Shneta/