Kanë kaluar muaj që kur Spitali i ri i Pediatrisë u përuarua me 13 shtator, por ky objekt ende nuk është funksionalizuar.
Drejtori i Shërbimit Klinik Universitar të Kosovës, Valbon Krasniqi, në një intervistë për EO ka thënë se ka kohë që në disa Klinika i kanë larguar listat e pritjes për pacientë.
Krasniqi ka thënë se kanë mbetur të kryhen disa punë të karakterit administrativ dhe të pranimit të objektit.
Tutje ai ka theksuar se lista e pritjes ka në Kirurgji Vaskulare dhe në Ortopedi, për të cilat thotë se pandemia i ka rënduar më shumë
“Disa nga klinikat që kemi arritur t’i zvogëlojmë në minimum kohën e pritjes janë klinika e oftalmologjisë për disa shërbime të caktuara, klinika e Kirurgjisë Pediatrike, Kirurgjia Abdominale kështu me radhë. Listat më të gjata tani për tani i kemi në kirurgji vaskulare dhe në ortopedi të cilat jemi duke i adresuar. Mos të harrojmë qe ka lista të pritjes të klinika të caktuara nga viti 2017-2018, edhe pandemia e ka rënduar këtë gjendje, megjithatë ne kemi arritur që gjatë gjithë vitit 2021 përjashtuar tri javët e para të shtatorit kemi arritur që shërbimet t’i mbajmë të plota, shpresojmë që edhe viti 2022 të jetë më i lehtë nga ana e pandemisë që të mund të trajtojmë edhe këto lista të pritjes në mënyrë intensive”, u shpreh Krasniqi.
Ai ka theksuar se Ministria e Shëndetësisë ka ngritur disa komisione profesionale për të përfunduar këto punë, dhe disa investime pajisje të teknologjisë së IT brenda hapësirave.
Madje në intervistë për EO ai tha se planet janë që spitali të funksionalizohet gjatë muajit mars, pasi përgatitjet po vazhdojnë në mënyrë intenzive.