Drejtori i Përgjithshëm i Shërbimit Spitalor Klinik Universitar Valbon Krasniqi, i ka përmendur publikisht klinikat më të suksesshme për heqjen e listave të pritjes, si dhe ato më të dështuarat me listat më të gjata.
Drejtori i SHSKUK-së ka thënë se tri klinikat që kanë arritur të zvogëlojnë në minimum listat e pritjes janë Oftalmologjia, Kirurgjia Pediatrike dhe Klinika e Kirurgjisë Abdominale, shkruan Gazeta Shneta.
Oftalmo udhëhiqet nga Ardian Shabani, Kirurgjia Pediatrike deri më tani nga Murat Berisha pasi e njëjta pritet të bëhet me drejtor të ri, kurse Kirurgjia Abdominale nga Ferat Sallahu.
Ndërkaq Krasniqi ka përmendur edhe dy klinikat me listat më të gjata, Kirurgjia Vaskulare dhe Ortopedia.
“Disa nga klinikat që kemi arritur t’i zvogëlojmë në minimum kohën e pritjes janë klinika e oftalmologjisë për disa shërbime të caktuara, klinika e Kirurgjisë Pediatrike, Kirurgjia Abdominale kështu me radhë. Listat më të gjata tani për tani i kemi në kirurgji vaskulare dhe në ortopedi të cilat jemi duke i adresuar. Mos të harrojmë qe ka lista të pritjes të klinika të caktuara nga viti 2017-2018, edhe pandemia e ka rënduar këtë gjendje, megjithatë ne kemi arritur që gjatë gjithë vitit 2021 përjashtuar tri javët e para të shtatorit kemi arritur që shërbimet t’i mbajmë të plota, shpresojmë që edhe viti 2022 të jetë më i lehtë nga ana e pandemisë që të mund të trajtojmë edhe këto lista të pritjes në mënyrë intensive”, ka deklaruar Krasniqi. /Gazeta Shneta/