Rastet e koronavirusit po rriten përsëri në të gjithë Shtetet e Bashkuara të Amerikës dhe spitalet nuk janë të përgatitura për të trajtuar fluksin e shtrimeve të reja në spital, raportoi Associated Press.
Spitalet, po mbarojnë hapësirën dita ditës, për të strehuar pacientët dhe nuk kanë staf të mjaftueshëm për të siguruar kujdesin e duhur shkruan Insider.co.uk përcjell Gazeta Shneta.
New York Times, raportoi se një spital në Idaho është 99% i mbushur me pacientë dhe ka paralajmëruar se mund të duhet të transferojë pacientë të rinj në spitale në një shtet tjetër.
“Ne kemi mbyllur në thelb një kat të tërë të spitalit tonë. Na është dashur të dyfishojmë dhoma, përderisa kemi blerë më shumë shtretër spitalorë,” tha Dr. Robert Scoggins, një pulmolog në spitalin ‘Kootenai Health’.
“Spitali ynë nuk është ndërtuar për një pandemi“.
Gjatë ditës së premte, vendi regjistroi 82,600 infeksione të reja, sipas llogaritjes së The Washington Post, më të lartat që nga fillimi i pandemisë.
Poashtu, burimi i lartpërmendur, raportoi se shpërthimi aktual është më i përhapur sesa pikat që janë parë më herët në pandemi dhe gjatë verës, dhe ekspertët mjekësorë po paralajmërojnë që nëse rastet vazhdojnë të jenë më këtë tempo mund të shihen se në të gjithë vendin mund të çojë gjithashtu në një mungesë të furnizimeve mjekësore dhe edhe personeli shëndetësor. /Gazeta Shneta/