Mikrobiologu Prof. Lul Raka është sqaruar për deklaratën e sotme në një intervistë në ‘Euroneës Albania’ gjatë ditës së sotme ku kishte thënë se kryeministrit Albin Kurti dhe kabinetit të tij iu është bërë testi për Covid-19 dhe rezultatet priteshin të dalin sot.
Këtë deklaratë të tij e demantoi zëdhënësi i Qeverisë Përparim Kryeziu, ndërsa para pak minutash ka dhënë një sqarim edhe vet Prof. Raka. Ai ka sqaruar se pyetja e gazetares për marrjen e mostrave të kryeministrit e kishte vënë para aktit të kryer dhe përgjigja e tij kishte qenë e përgjithësuar duke thënë se rezultatet dalin në mbrëmje, transmeton Gazeta Shneta.
Për këtë keqkuptim Raka i ka kërkuar falje kryeministrit Kurti, kabinetit të tij dhe qytetarëve. “I kërkoj falje Kryeministrit, stafit të tij dhe qytetarëve të Kosovës për keqkuptimin që kam shkaktuar. Pandemia dhe politika janë simbiozë ideale për storie të medieve, që shpesh dalin jashtë kornizës reale”, ka deklaruar Raka.
Sqarimi i tij i plotë:
SQARIM PËR ZHURMËN E KRIJUAR PËR TESTIMIN E KRYEMINISTRIT!
INTERVISTË ME EURONEËS ALBANIA, 11.05.2020, ORA 16:32
Gazetarja Euroneës Albania: Nisim fillimisht me rastin e Kryeministrit në detyrë Albin Kurtin, mostrat e të cilit tashmë janë marrë. Kur priten analizat për Z.Kurti?
Unë: Rezultatet priten në mbrëmje (shih linkun në postim).
Biseda u zhvillua sot kah ora 16.30 pas kthimit tim nga terreni (spitali Sirona dhe Spitali i Gjilanit). Gjatë rrugës, në radio dëgjova për vetëizolimin e Kryeministrit dhe kjo ishte krejt informata që kisha.
Pyetja e gazetares për “kryeministrin, mostrat e të cilit janë marrë” po ashtu më gjeti para aktit të kryer se i paskan marrë edhe mostrat! Përgjigja ime ishte në mbrëmje (sikur çdo natë).
Kjo informatë paska zgjuar disa portale, të cilat kanë dhënë kontribut të çmuar gjatë pandemisë për informimin e drejtë të qytetarit. Brumin ua paskam dhënë unë vetë. Prandaj, mbase edhe nga lodhja, por dua të deklaroj këto 3 gjëra pas këtyre leksioneve të mësuara:
- I kërkoj falje Kryeministrit, stafit të tij dhe qytetarëve të Kosovës për keqkuptimin që kam shkaktuar. Pandemia dhe politika janë simbiozë ideale për storie të medieve, që shpesh dalin jashtë kornizës reale. Shembull i tillë ishte edhe titulli i nxjerrë nga një intervistë para disa ditësh “Çka tha Lul Raka për Behxhet Pacollin”, edhe pse askund nuk përmenda emrin Behxhet!
- Ky është sinjal që edhe unë duhet të pushoj pak nga mediet. Prandaj, falënderoj të gjitha mediet për kontributin e jashtëzakonshëm dhe bashkëpunimin e deritashëm në luftimin e infodemisë së COVID-19 në Kosovë. Kjo sfidë është maratonë dhe secili prej nesh duhet ta ruaj energjinë.
- Nëse kam diçka për të thënë, do ta shkruaj në facebook vetë, pa uvertyrë të gazetarëve. Tashmë e di se edhe titulli që do të nxirret nga ky sqarim do të dalë në versione të ndryshme.
Natën!