Studentët e Fakultetit të Mjekësisë nuk po ndahen të kënaqur me vlerësimet që ua ka bërë profesoresha e Mikrobiologjisë Gjyle Mulliqi.
Një nga studentët ka postuar një shkrim në grupin e Qendrës për Avancimin e Studimeve në Facebook, ku ka thënë se vlerësimi i Mulliqit lë shumë për të dëshiruar, transmeton Gazeta Shneta.
“A e ka ngritur ndokush zërin për profesoreshën e Mikrobiologjisë Gjyle Mulliqin dhe mënyrën se si ajo i vlerëson studentët? Me gjithë respektin për lënden dhe profesoreshën, mendoj që vlerësimi i saj len për të dëshiruar, dhe është për keqardhje mënyra se si i noton dhe trajton studentët”, ka shkruar studenti.
Ai po shpreson që në të ardhmen dikush do ta ngrit zërin. “Shpresoj që në të ardhmen dikush të ngrej zërin, sidomos përfaqësuesit e studentëve. P.s studentët kan të drejte të dijnë për Sylabusin dhe literaturën prej të cilës mësojnë dhe përgaditen”, ka shkruar ai në fund.
Por nuk ka qenë i vetmi që është ankuar. Në postimin e tij kanë komentuar edhe disa studentë të tjerë të cilët kanë shprehur pakënaqësi në lidhje me të njëjtën profesoreshë, ndërsa ka edhe prej tyre që i kanë dal në mbrojtje Mulliqit. /Gazeta Shneta/
