Ekspozimi për vite me radhë ndaj ndotjes së ajrit lidhet me rrezik më të lartë për zhvillimin e sëmundjes së Alzheimerit , sipas një studimi të publikuar në PLOS Medicine.
Studiuesit nga Emory University analizuan të dhënat e mbi 27 milionë personave mbi 65 vjeç dhe zbuluan se ata që jetonin në zona me nivele më të larta të grimcave të imëta ndotëse (PM2.5) kishin më shumë gjasa të diagnostikoheshin me Alzheimer, shkruan Euronws Health transmeton Gazeta Shneta.
Sipas hulumtimit, ndotja duket se ndikon drejtpërdrejt në tru, ndërsa rreziku ishte edhe më i lartë te personat që kishin pësuar më parë goditje në tru.
Sipas World Health Organization, mbi 55 milionë njerëz në botë jetojnë me demencë, ku Alzheimer përbën shumicën e rasteve.
Ekspertët theksojnë se ulja e ndotjes së ajrit mund të ndihmojë në mbrojtjen e shëndetit të trurit dhe në zvogëlimin e rrezikut për demencë në të ardhmen./Gazeta Shneta/