Kolesteroli, një substancë yndyrore që është pjesë thelbësore e membranave të të gjitha qelizave, prodhohet kryesisht nga trupi, veçanërisht në mëlçi, por gjithashtu merret edhe përmes dietës. Një përmbledhje e re shkencore ka zbuluar katër mekanizma molekularë, përmes të cilëve çekuilibrat e kolesterolit, veçanërisht në tru, mund të çojnë në sëmundje neurodegjenerative si Alzheimeri dhe Parkinsoni.
Kolesteroli është veçanërisht i rëndësishëm në tru për formimin dhe funksionimin e qelizave nervore. Ekzistojnë dy lloje kryesore të kolesterolit: lipoproteinat me densitet të ulët (LDL, ose “kolesteroli i keq”), të cilat grumbullohen në muret e enëve të gjakut, dhe lipoproteinat me densitet të lartë (HDL, ose “kolesteroli i mirë”), të cilat ndihmojnë në largimin e LDL-ve nga qarkullimi i gjakut, shkruan Medical News, transmeton Gazeta Shneta.
Studime të shumta sugjerojnë se një nivel më i lartë i HDL-ve lidhet me një rrezik të reduktuar të sëmundjeve kardiovaskulare, ndërsa nivelet e larta të LDL-ve rrisin rrezikun e sëmundjeve të zemrës dhe iktusit.
Tani, kjo përmbledhje e re e hulumtimeve ekzistuese ka detajuar mekanizmat molekularë që mund të lidhin çekuilibrat e kolesterolit me sëmundjet neurodegjenerative. Studiuesit sugjerojnë se duke menaxhuar nivelet e kolesterolit, njerëzit mund të zvogëlojnë rrezikun e zhvillimit të sëmundjeve si Alzheimeri dhe Parkinsoni.
Ky studim është publikuar në revistën Experimental and Molecular Medicine./Gazeta Shneta/