Një studim i ri ka zbuluar se konsumimi i alkoolit, qoftë edhe në sasi të vogla, lidhet me rritjen e rrezikut për zhvillimin e demencës.
Hulumtimi, i publikuar në revistën BMJ Evidence-Based Medicine, përfshiu të dhënat e rreth 560 mijë personave në Britani dhe SHBA, si dhe informacione gjenetike të mbi 2.4 milionë individëve.
Rezultatet treguan se rreziku për demencë rritet proporcionalisht me sasitë e konsumit të alkoolit, pa marrë parasysh predispozitat gjenetike, shkruan Euronews transmeton Gazeta Shneta.
Sipas studiuesve nga Universiteti i Kembrixhit dhe Oksfordit, edhe konsumimi i moderuar, si tre gota alkool në javë, e shton me 15% mundësinë e zhvillimit të demencës krahasuar me një gotë në javë.
Ekspertët theksojnë se alkooli është toksik për neuronet dhe mund të shkaktojë ndryshime në strukturën e trurit, të lidhura me humbjen e kujtesës dhe demencën.
Ata paralajmërojnë se asnjë sasi alkooli nuk është e sigurt për shëndetin dhe reduktimi i konsumit mund të ketë ndikim të madh në parandalimin e sëmundjes./Gazeta Shneta/