Një studim i ri nga shkolla e mjekësisë Keck në Universitetin e Kalifornisë Jugore (USC) sugjeron se personat me diabet të tipit 1 mund të kenë një rrezik dukshëm më të lartë për të zhvilluar kancer të fshikëzës së urinës.
Analiza sistematike dhe meta-analiza, e publikuar në Diabetes Research and Clinical Practice, tregon se këta pacientë janë rreth 4.3 herë më të rrezikuar krahasuar me popullatën e përgjithshme.
Studiuesit theksojnë se ky lidhje e mundshme është anashkaluar për vite me radhë, kryesisht sepse hulumtimet e mëparshme nuk kanë kontrolluar si duhet ndikimin e duhanpirjes — faktori më i madh i njohur për kancerin e fshikëzës.
Në shumë prej studimeve të mëparshme, të dhënat për duhanin nuk ishin mbledhur fare ose ishin të pasakta, duke e bërë të pamundur ndarjen e efekteve të duhanpirjes nga ato të diabetit.
Sipas autores së studimit, Prof. Victoria K. Cortessis, pasi ekipi korrigjoi mangësitë metodologjike të hulumtimeve të kaluara, u shfaq një model i qartë që tregonte rritje të dukshme të rrezikut te pacientët me diabet të tipit 1./Gazeta Shneta/