Një studim i udhëhequr nga studiuesit në Stanford Medicine ka zbuluar se reagimet e ndryshme të sheqerit në gjak ndaj karbohidrateve varen nga gjendja metabolike e individit.
Kjo do të mundësojë trajtime dhe parandalime më të personalizuara për paradiabetin dhe diabetin tip 2.
Hulumtimi, i publikuar në Nature Medicine, përfshiu 55 pjesëmarrës pa histori të diabetit tip 2, prej të cilëve 26 kishin paradiabet. Ata u testuan për rezistencë ndaj insulinës dhe dëmtime të qelizave beta të pankreasit, si dhe iu bë profilim i thelluar metabolik dhe i mikrobiomës së zorrëve.
Pjesëmarrësit konsumuan shtatë lloje ushqimesh me karbohidrate – përfshirë orizin, bukën, patatet, pastën dhe frutat – dhe iu mat reagimi i sheqerit në gjak për tre orë pas konsumit.
U vu re se niveli i sheqerit pas ngrënies së patateve dhe pastës ndryshonte ndjeshëm në bazë të gjendjes metabolike: ata me rezistencë ndaj insulinës kishin rritjet më të mëdha pas konsumit të pastës, ndërsa ata me dëmtim të qelizave beta pas konsumit të patateve.
Studiuesit sugjerojnë se raporti i rritjes së glukozës pas patates kundrejt rrushit mund të shërbejë si biomarker për identifikimin e hershëm të rezistencës ndaj insulinës.
Gjithashtu, u testua ndikimi i konsumimit të fibrave, proteinave ose yndyrës para karbohidrateve. U vu re se te personat metabolikisht të shëndetshëm, këto elemente ndihmuan në uljen ose vonesën e rrit/Gazeta Shneta/