Hulumtimet e reja i shtohen numrit në rritje të provave që sugjerojnë se faktorët mjedisorë, duke përfshirë konsumin e mishit të kuq dhe sheqerit, mund të kontribuojnë në rritjen e shfaqjes së kancerit kolorektal tek të rinjtë.
Hulumtimi zbuloi se individët nën 50 vjeç të diagnostikuar me kancer kolorektal kishin nivele më të ulëta të citratit – një nënprodukt i konvertimit të ushqimit në energji – krahasuar me pacientët e moshuar, raporton Medical News Today përcjell Gazeta Shneta.
Studimi zbuloi gjithashtu ndryshime të rëndësishme në metabolizmin e proteinave dhe karbohidrateve, duke treguar se konsumimi i mishit të kuq dhe sheqerit mund të luajë një rol potencial në zhvillimin e kancerit kolorektal në grupmoshat më të reja.
Një studim i ri sugjeron se ngrënia e mishit të kuq dhe sheqerit mund të kontribuojnë në kancerin kolorektal tek të rinjtë.
Sipas studiuesve, ka pasur një rritje të konsiderueshme në diagnozën e kancerit kolorektal midis individëve të rinjë gjatë dy deri në tre dekadave të fundit.
Arsyeja e saktë e kësaj tendence alarmante ka mbetur e paqartë, pasi shumica e rasteve nuk janë të lidhura me faktorë gjenetikë apo trashëgues, madje edhe te popullata më e re.
Megjithatë, me të dhënat e fundit të marra, tani ka prova mbështetëse për hipotezën se faktorët mjedisorë mund të jenë përgjegjës për këtë rritje.
Studiuesit zbuluan gjithashtu se individët nën moshën 50 vjeç, të cilët ishin diagnostikuar me kancer kolorektal, kishin nivele të reduktuara të citratit. Citrati prodhohet gjatë shndërrimit të ushqimit në energji dhe u zbulua të jetë më i ulët në krahasim me individët e moshuar të diagnostikuar me kancer kolorektal.
Gjetjet e hulumtimit u prezantuan në takimin vjetor të Shoqatës Amerikane të Onkologjisë Klinike (ASCO) më 3 qershor 2023. Studimi ende nuk është publikuar në një revistë shkencore të rishikuar nga kolegët. /Gazeta Shneta/