Ja një arsye më shumë për të hequr dorë nga pirja e alkoolit: një studim i ri zbulon se njerëzit e moshës së mesme dhe të moshuarit që konsumojnë sasi të tepërta alkoolit mund të jenë në rrezik të humbjes së muskujve.
Pirja e tepërt e alkoolit është shoqëruar prej kohësh me rreziqe të ndryshme afatgjata, duke përfshirë presionin e lartë të gjakut, sëmundjet e zemrës, disa lloje kanceri dhe dobësimin e sistemit imunitar, shkruan Health News përcjell Gazeta Shneta.
Studiuesit në Universitetin e Anglisë Lindore (UEA) shikuan se si konsumimi i alkoolit ndikon në muskujt tanë.
Ata përdorën të dhënat e Biobank në Mbretërinë e Bashkuar nga afro 200,000 njerëz të moshës 37-73 vjeç, shumica e të cilëve ishin në të 50-at dhe 60-at e tyre.
Për shkak se njerëzit më të mëdhenj kanë më shumë masë muskulore, studiuesit vlerësuan madhësinë e trupit. Ata gjithashtu morën parasysh faktorë të tillë si konsumi i proteinave dhe aktiviteti fizik.
Modelimi statistikor na jep të dhëna rreth masaës muskulore skeletore, masës apendikulare/indeksit të masës trupore (ALM/BMI) dhe masës pa yndyrë si përqindje e peshës trupore (FFM%) e të cilat ranë në mënyrë të qëndrueshme dhe të konsiderueshme me nivele më të larta të konsumit të alkoolit në të dy anët si tek burra ashtu dhe tek gratë.
Hulumtimi i publikuar në revistën “Calcified Tissue International” zbuloi se njerëzit me sasinë më të ulët të muskujve u zbulua se pinin dhjetë njësi të alkoolit ose më shumë në ditë, që është e barabartë me një shishe verë.
“Ky studim tregon se alkooli mund të ketë efekte të dëmshme në masën muskulore në nivele më të larta të konsumit. Ne e dimë se humbja e muskujve me kalimin e moshës çon në probleme me dobësi dhe kështu që kjo sugjeron një arsye tjetër për të shmangur pirjen e sasive të larta të alkoolit në mënyrë rutinore”, tha në një deklaratë për shtyp autorja e studimit, profesoreshë Ailsa Welch nga shkolla mjekësore Norwich e Universitetit të Anglisë Lindore.
Ndërsa hulumtimi sugjeron se konsumimi i tepërt i alkoolit mund të ketë efekte të dëmshme në masën muskulore, në anën tjetër, nuk vendos një lidhje shkakësore. /Gazeta Shneta/