Një studim i ri nga Universiteti i Jyväskylä në Finlandë sugjeron se performanca e ulur njohëse në fund të moshës së mesme mund të jetë një tregues i hershëm i dobësisë fizike në moshë të shtyrë.
Sipas hulumtimit, personat e moshës 57 deri në 70 vjeç që shfaqin reagim më të ngadalshëm dhe saktësi më të ulët në detyrat njohëse kanë nivele më të larta të asaj që njihet si “frailty” – një sindromë e lidhur me plakjen dhe rënien e funksionit në disa sisteme të trupit, shkruan MedicalXpress transmeton Gazeta Shneta.
Studimi, i publikuar në revistën shkencore Gerontology, tregon se dobësia është e lidhur me pasoja serioze shëndetësore, përfshirë rrezik më të lartë për rënie, shtrime më të shpeshta në spital dhe vdekshmëri më të madhe.
Hulumtuesit kanë vërejtur se reagimi i ngadalshëm në testet njohëse lidhet me nivele më të larta të dobësisë në fund të moshës së mesme, ndërsa saktësia e përgjigjeve rezulton e lidhur me zhvillimin e dobësisë, veçanërisht te gratë. Po ashtu, lidhja ndryshon në varësi të fushës specifike të funksionimit njohës që vlerësohet.