Duke ekzaminuar sesi COVID-19 ka ndikuar në vende të ndryshme, studiuesit kanë zbuluar se Bacillus Calmette-Guerin (BCG), një vaksinë për trajtimin e tuberkulozit (TB), mund të jetë një mjet i ri i mundshëm në luftën kundër sëmundjes.
Vaksina BCG ka ekzistuar për gati një shekull dhe është një nga më të përdorurat nga të gjitha vaksinat aktuale, transmeton Gazeta Shneta.
Vaksina BCG ka një efekt mbrojtës të dokumentuar kundër meningjitit dhe tuberkulozit tek fëmijët. Gjithashtu është raportuar se ofron mbrojtje të gjerë ndaj infeksioneve të frymëmarrjes.
Për këtë studim, hulumtuesit krahasuan një numër të madh të vendeve të politikave të vaksinimit me BCG me rastet e infektimit dhe vdekshmërinë nga COVID-19.
“Ne zbuluam se vendet pa politika universale të vaksinimit BCG (Italia, Hollanda, SHBA) janë prekur më rëndë në krahasim me vendet me politika universale të BCG”, u tha në studim i kryer në Institutin e Teknologjië në Nju Jork.
Në këtë studim mbi ndikimin e vaksinimit BCG në COVID-19, studiuesit zbuluan gjithashtu se vendet që kanë përdorim të vonë të vaksinës, për shembull, Irani kishte vdekshmëri të lartë, në përputhje me idenë se BCG mbron popullsinë e vaksinuar të moshuar.
Numri i të vdekurve COVID-19 në botë ka arritur 36.939 nga më shumë se 770.000 raste të konfirmuara. /GazetaShneta/