Ndërsa situata e koronavirusit intensifikohet, ju mund të pyesni vetën: si mund ta mbaj vetën të shëndetshëm?
Së pari, ka një lajm jo aq të mirë. Pavarësisht pretendimeve që mund të keni parë në internet, nuk ka ushqim magjik ose pilulë që është e garantuar për të forcuar sistemin tuaj imunitar dhe për t’ju mbrojtur nga koronavirusi, transmeton Gazeta Shneta.
Ka mënyra për ta mbajtur sistemin tuaj imunitar të funksionojë në mënyrë optimale, të cilat mund të ndihmojnë për të qëndruar të shëndetshëm dhe t’ju japin një sens kontrolli në një kohë të pasigurt.
Këto përfshijnë larjen e duarve, ushqimi i mirë, të qenit aktiv fizikisht, meditimi dhe menaxhimi i stresit dhe gjumi i duhur.
Karrota
Karrota kthehet në vitaminë A, e cila është thelbësore për një sistem të fortë imunitar. Ajo funksionon duke ndihmuar antitrupat të reagojnë ndaj toksinave dhe substancave të huaja. Burime të mira të beta karotenit përfshijnë edhe patatet ëmbëla, mangot, kajsitë, spinaqi, brokoli, kungulli dhe kanella.
Protokalli, luleshtrydhe dhe brokoli për Vitaminë C
Vitamina C rrit nivelin e antritupave në gjak dhe ndihmon në diferencimin e limfociteve (qelizave të bardha të gjakut), e cila ndihmon trupin të përcaktojë se çfarë lloj mbrojtjeje është e nevojshme.
Vezë, djath, dhe kërpudha për Vitaminë D
Vitamina D rregullon prodhimin e një proteine që vret në mënyrë selektive agjentët infektues, përfshirë bakteret dhe viruset. Vitamina D gjithashtu ndryshon aktivitetin dhe numrin e qelizave të bardha të gjakut, të njohura si limfocitet T2, të cilat mund të zvogëlojnë përhapjen e baktereve dhe viruseve.
Fasule, arra, drithëra dhe ushqime deti
Zinku ndihmon qelizat në sistemin tuaj imunitar të rriten dhe të diferencohen. Një meta-analizë zbuloi se shtesat e zinkut mund të shkurtojnë kohëzgjatjen e simptomave të ftohjes së zakonshme. Burimet e zinkut mund t’i gjeni tek fasulet, qiqrat, thjerrëzat, drithërat, arrat, farat, gaforrja, dhe kosi.
Qumësht, vezë, arra për më shumë proteina
Proteina është një ndërtim kryesor për qelizat imune dhe antitrupat dhe luan një rol vendimtar në ndihmën e sistemit tonë imunitar të kryejë punën e tij.
Proteina vjen si nga burime shtazore ashtu edhe nga bimët dhe përfshin peshq, qumësht, kos, vezë, arra, fasule dhe thjerrëza.
Banane, fasule dhe më shumë për prebiotikë
Probiotikët dhe prebiotikët ndihmojnë në rritjen e shëndetit të mikrobiomës e cila nga ana tjetër mbështet sistemin imunitar.
Burimet e probiotikëve përfshijnë ushqime të qumështit të fermentuar si kos dhe djathra të ndryshme. Burime të prebiotikëve përfshijnë drithëra, banane, qepl, hudhër dhe fasule.
Ujë, frua, supë për hidratim
Qëndroni të hidratuar. Dehidratimi mund të jetë stresues fizik për trupin. Gratë duhet të konsumojnë 2.7 litra lëngje dhe burrat 3.7 litra. /GazetaShneta/