Një studim i ri ndërkombëtar ka zbuluar se vështirësitë sociale dhe akademike shfaqen vite përpara simptomave të psikozës, duke krijuar hapësirë për ndërhyrje të hershme.
Hulumtimi, i publikuar në Schizophrenia Bulletin, përfshiu mbi 1,000 adoleshentë dhe të rinj nga 13 vende, shkruan MedicalXpress përcjell Gazeta Shneta.
Rezultatet tregojnë se rënia funksionale dhe simptomat negative, si mungesa e motivimit dhe interesit, zhvillohen herët dhe lidhen ngushtë me probleme të hershme në shkollë dhe në jetën sociale.
Studiuesit theksojnë se fokusimi në këto vështirësi zhvillimore, e jo vetëm në simptomat psikotike, mund të ndihmojë në parandalimin ose zbutjen e çrregullimeve të rënda mendore.