Doza përforciese e vaksinës kundër COVID-19 ulë rrezikun nga hospitalizimet dhe vdekja, kështu është thënë në dy studime të reja nga Shtetet e Bashkuara dhe Mbretëria e Bashkuar.
Agjencia për Siguri Shëndetësore e Mbretërisë së Bashkuar (UKHSA) tha se dozat përforcuese ulin rrezikun e vdekjes nga varianti Omicron për 95 për qind te personat 50 vjeç e më të vjetër.
Sipas tyre kjo shifër është më e lartë krahasuar me gjetjet se njerëzit e të njëjtës grupmoshë, që janë të vaksinuar me dy doza, kanë rreth 60 për qind mbrojtje ndaj vdekjes me Omicron gjashtë muaj pas dozës së fundit, ka transmtuar REL.
Kurse në Shtetet e Bashkuara, Qendrat për Kontrollin dhe Parandalimin e Sëmundjeve (CDC) publikuan një studim të ri ku tregohej se një dozë e tretë e vaksinës Pfizer/BioNTech apo Moderna ulte në mënyrë të ndjeshme rrezikun nga hospitalizimi në mesin e personave me imunitet të dobësuar.
