Rezultatet treguan gjithashtu se personat që konsumonin më shumë gjalpë kishin një rrezik 15% më të lartë për të vdekur krahasuar me ata që konsumonin më pak, ndërsa ata që përdornin më shumë vajra bimore kishin një rrezik 16% më të ulët.
Hulumtuesit sugjerojnë se ky ndryshim i thjeshtë në dietë mund të sjellë përfitime shëndetësore të rëndësishme në afat të gjatë dhe mund të parandalojë shumë vdekje të lidhura me kancerin dhe sëmundje kronike, transmeton Gazeta Shneta.
Përveç kësaj, studimi tregon se gjalpi është i pasur me acide yndyrore të ngopura, të cilat mund të rrisin kolesterolin, të shkaktojnë ngurtësimin e arterieve dhe të rrisin inflamacionin, duke kontribuar në zhvillimin e sëmundjeve të zemrës dhe kancerit. Në anën tjetër, vajrat bimore përmbajnë acide yndyrore të pangopura, që ndihmojnë në uljen e kolesterolit dhe mbështesin shëndetin e zemrës dhe të trurit, si dhe ndihmojnë në luftimin e inflamacionit.
Përfundimi i studimit sugjeron se një ndryshim i thjeshtë në zgjedhjet e dietës, si zëvendësimi i gjalpit me vajra bimore, mund të ketë ndikim të madh në përmirësimin e shëndetit dhe uljen e rrezikut të sëmundjeve kronike dhe vdekjeve të parakohshme./GazetaShneta/