Shumica e grave kanë një cikël të rregullt menstrual. Kjo do të thotë se ato mund të parashikojnë me saktësi kur është periudha tjetër.
Disa do të kenë periudha të parregullta për arsye të ndryshme. Sidoqoftë, periudhat e rregullta mund të ndryshojnë në një model të parregullt, duke shkaktuar njëfarë ankthi. Periudhat e rregullta nënkuptojnë ovulim të rregullt dhe shanse të mëdha për ngjizje. Periudhat e parregullta nga ana tjetër nënkuptojnë modele të paparashikueshme ovulimi dhe shpesh një vonesë për konceptim, transmeton Gazeta Shneta.
Intervali mesatar i zakonshëm i menstruacioneve është 28 ditë. Marrëdhëniet përmes periudhës ovulative japin mundësinë e konceptimit. Por, nuk është e nevojshme që seksi të ndodhë vetëm gjatë kësaj kohe. Marrëdhëniet e rregullta, rreth dy deri në tri herë në javë do të ndihmojnë shumë në këtë aspekt.
Periudhat e parregullta janë pak sfiduese. Paparashikueshmëria e cikleve e vështirëson të keni idenë e qartë se kur mund të ovuloni. Por, prap se prap një pjesë e grave me periudha të parregullta do të konceptojnë spontanisht. Përsëri, marrëdhëniet e rregullta ndihmojnë./GazetaShneta/