Studiuesit në University Health Network and University of Toronto kanë zbuluar një molekulë të re bioterapeutike – e prodhuar nga një lloj bakteresh probiotike orale – që vret patogjenët infektivë ndërsa promovon një mikrobiomë të shëndetshëm.
Gjetjet nga stomatologu Michael Glogauer dhe Abdelahhad Barbour, mikrobiolog molekular u botuan kohët e fundit në revistën “Proceedings of the National Academy of Sciences”, transmeton Gazeta Shneta.
I patentuar si Salivaricin 10 (Sali10), Streptococcus salivarius SALI-10 premton të hapë derën për një alternativë ndaj trajtimeve konvencionale me antibiotikë dhe është një zgjidhje e re për të parandaluar sëmundjet infektive.
Ndërsa antibiotikët konvencionalë, kryesisht të izoluar nga mikroorganizmat me prejardhje nga toka, në përgjithësi kanë një spektër të gjerë aktiviteti antimikrobik që vret njësoj bakteret e mira dhe të këqija, Sali10 synon në mënyrë efektive patogjenët infektivë duke ruajtur gjithashtu mikrobiotën e rëndësishme orale.
“Sali10 vret patogjenët oralë që shkaktojnë sëmundje periodontale, si dhe shumë patogjenë respiratorë rezistent ndaj shumë ilaçeve që shkaktojnë pneumoni,” thotë Dr. Glogauer.
Mikrobioma e njeriut ndikon në sistemin tonë imunitar dhe shëndetin e përgjithshëm.
Kaviteti oral ka mikrobiotën e dytë më të madhe dhe më të larmishme pas zorrëve, duke strehuar mbi 700 lloje bakteresh. Me këtë bollëk të mikrobeve brenda nesh, ka një interes në rritje për të eksploruar vetitë e tyre që promovojnë shëndetin. /Gazeta Shneta/