Është sulmuar një punëtor i repartit të Ortopedisë në Spitalin e Mitrovicës nga familjarët e një pacienti.
Kështu ka njoftuar Federata e Sindikatave të Shëndetësisë të cilët kanë njoftuar se rasti ka ndodhur në vendin e punës në repartin e Ortopedisë, shkruan Gazeta Shneta.
Në shenj revolte sindikata e punëtorëve shëndetësorë në Spitalin e Mitrovicës ka organizuar një protestë e cila do të mbahet në ora 12:00.
Lexoni reagimin e plotë:
Me datë 20.09.2021 në Spitalin-Mitrovicë përkatësisht në repartin e ortopedisë është sulmuar fizikisht punëtori R.U nga familjarët e pacienti.
Kryesia e Sindikatës pranë kësaj njësie ka reaguar duke e dënuar këtë rast dhe ka shprehur shqetësim lidhur me sulmin e lartcekur që iu është bërë stafit mjekësor. Veprime të tilla ndaj profesionistëve shëndetësor janë të dënueshme dhe të pa tolerueshme, dhe përderisa një akt i tillë i ulët siç është dhuna fizike kryhet në ambientin e punës, e sidomos në këtë kohe pandemie kjo bënë që të vihet në pikëpyetje edhe siguria në vendin e punës, prandaj kërkojmë nga institucionet kompetente të ndërmarrin masa, për arsye se edhe tjera herë janë kërcënuar dhe nuk është rasti i vetëm i një sulmi fizik të ndodhur.
Si shenjë reagimi nga FSSHK-ë gjegjësisht dega e Sindikatës së Spitalit -Mitrovicë do të organizohet sot një protestë 15 minutëshe në ora 12.00 para objektit të kësaj Qendre. Kjo është vetëm paralajmërim dhe nëse organet e rendit nuk do të ndërmarrin masa atëherë do të vazhdohet me veprime me radikale konform legjislacionit në fuqi.