Shumica e meshkujve nuk janë të vetëdijshëm për rreziqet e mundshme të marrjes së suplementeve proteinike për të forcuar muskuj, sipas një studimi.
Mungesa e ndërgjegjësimit shoqëror dhe edukimit rreth infertilitetit të meshkujve janë ndër kontribuesit kryesor në krizën e vazhdueshme të shëndetit riprodhues mashkullor, shkruan burimi Health News përcjell Gazeta Shneta.
Një studim i ri i botuar në” Reproductive Biomedicine Online”, sugjeron se burrat mund të mos jenë të vetëdijshëm për rreziqet e mundshme të infertilitetit të paraqitura nga disa performanca sportive dhe konsumimi i suplementeve proteinike.
Megjithatë, gjetjet mbi këto rreziqe mbeten kontradiktore dhe nevojiten më shumë kërkime për të kuptuar më mirë efektet e një stili jetese në palestër dhe infertilitetit mashkullor.
Shumica e meshkujve nuk janë të vetëdijshëm për rreziqet
Studiuesit anketuan 153 studentë në Universitetin e Birminghamit, shumica e të cilëve ishin 18 deri në 25 vjeç.
Pjesëmarrësit meshkuj ushtruan mesatarisht gjashtë deri në nëntë orë në javë dhe 79% raportuan se përdornin ose kishin përdorur suplemente proteinike kryesisht për të fituar masë muskulore.
Ndërsa më shumë se gjysma (52%) e pjesëmarrësve meshkuj thanë se kishin menduar për fertilitetin e tyre më parë, vetëm 14% raportuan se mendonin më parë për pasojat e rutinave të palestrës dhe suplementeve në fertilitetin e tyre.
Shumica (76%) e të anketuarve meshkuj thanë se do të ndryshonin sjelljen e tyre nëse e dinin se kjo kishte një ndikim afatgjatë në fertilitetin e tyre. Vetëm 41% do të ndryshonin rutinat e tyre nëse ndikimi do të ishte afatshkurtër.
Çfarë rreziqesh paraqet stili i jetesës së palestrës?
Hulumtimet e mëparshme kanë lidhur peshëngritjen, çiklizmin dhe ushtrimet e forcës fizike me cilësi të reduktuar të spermës. Megjithatë, studime të tjera treguan se çiklizmi dhe ngritja e peshave mund të ndikojnë pozitivisht në fertilitetin mashkullor dhe të lidhin pasivitetin fizik me cilësinë më të dobët të spermës.
Rreth 56% e ndjekësve të palestrës në Shtetet e Bashkuara përdorin suplemente dietike si pjesë e rutinës së tyre të palestrës, ku proteina pluhur është më e zakonshme.
Meshkujt nuk duhet të dekurajohen nga stërvitja
Studimi nuk vërteton se disa lloje ushtrimesh dhe plotësimi me proteina shkaktojnë infertilitet mashkullor; thjesht tregon se shumë meshkuj nuk janë të vetëdijshëm për rreziqet e mundshme.
Gjetjet nuk duhet t’i dekurajojnë meshkujt që të angazhohen në aktivitet fizik, pasi ndihmon në reduktimin e rrezikut të sëmundjeve koronare të zemrës dhe goditjes në tru, diabetit të tipit 2, disa lloje kancerit dhe vdekjes së hershme si te burrat ashtu edhe te gratë.
Për më tepër, stërvitja mund t’i ndihmojë burrat të mbajnë një peshë trupore të shëndetshme. Studimet kanë lidhur obezitetin me një nivel më të ulët të testosteronit, cilësi më të dobët të spermës dhe ulje të fertilitetit.
Të rriturit kanë nevojë për 150 minuta aktivitet fizik me intensitet të moderuar dhe dy ditë aktivitet për forcimin e muskujve në javë, sipas udhëzimeve të aktivitetit fizik për amerikanët.
Autorët e studimit bëjnë thirrje për fushata edukative ndërgjegjësuese që synojnë të rinjtë që shkojnë në palestër për të përmirësuar ndërgjegjësimin se veprimet si pirja e duhanit ose përdorimi i suplementeve të proteinave mund të kenë ndikime afatgjata në fertilitetin e tyre. /Gazeta Shneta/