Ndërkohë që ekspertët paralajmërojnë se shenjat e para të Covid-19 janë kollitja, ethet dhe humbja e shijes dhe erës, ata po konsiderojnë se kruarja dhe skuqja e syve gjithashtu mund të jetë simptomë e re e Covid-19.
Kruarja dhe skuqja e syve mund të jenë një shenjë e hershme e Covid-19 shkruan Mirror, transmeton GazetaShneta.
Mësoni më shumë rreth komplikimeve gjatë shtatzënisë KËTU
Studimi i botuar në revistën BMJ Open Ophthalmology ka zbuluar se pacientët kanë përjetuar kruarje dhe skuqje të syve.
Studimi vëzhgoi 83 pacientë me Covid-19 dhe nga simptomat ata zbuluan se kollitja, ethet, lodhja dhe humbja e shijes dhe erës janë ndër ankesat më të zakonshme.
Poashtu, ata zbuluan se 18% raportuan ndjeshmëri ndaj dritës, 17% kanë përjetuar kruarje të syve, ndërsa 16% vuanin nga dhimbja e syrit.
Zyrtarët shëndetësor mendojnë se konjuktiviteti zhvillohet në rreth një deri në tre përqind te pacientët me Covid-19, sipas Akademisë Amerikane të Oftalmologjisë.
Në anën tjetër, Chelsey Earnest infermiere në Qendrën e Kujdesit Shëndetësor në Uashington, mbështet faktin se sytë e skuqur janë një ndër shenjat që duhet pasur parasysh te pacientët me Covid-19.
Sidoqoftë, në raste të tilla kontaktoni mjekun tuaj për të marrë sugjerime nga ana e tyre./GazetaShneta/