Deri më tani, supozohet se cregullimet në të ngrënë afektojnë vetëm adoleshenëtë dhe të rriturit, kryesisht vajzat dhe gratë. Mirëpo, bazuar në një nga studimet e fundit, rezultatet na tregojnë se edhe djemtë mund të përballen me një vështirësi të tillë.
Më shumë se 9% e amerikanëve (28.8 milionë njerëz) përballen me (një) çrregullim në të ngrënit të paktën një herë në jetën e tyre shkruan Verywell Family, transmeton Gazeta Shneta.
Studimi i fundit nga “The Keck School of Medicine of USC” ka treguar se crregullimet fillojnë tek fëmijët, duke përfshirë këtu edhe djemtë në mënyrë të barabartë.
Studimi nuk gjeti asnjë ndryshim në seks kur bëhet fjalë për prevalencën e çrregullimeve të të ngrënit, duke treguar se djemtë dhe vajzat përballeshin me të njëjtin rrezik.
Por, a janë të njejtë të ngrënit në formë të jo të duhur dhe crregullimet në të ngrënë?
“Një çrregullim i të ngrënit është një diagnozë klinike aktuale, ndërsa ushqimi i çrregullt i referohet një modeli anormal të të ngrënit që nuk plotëson kriteret për një diagnozë,” thotë Holly Schiff, psikolog klinik.
Ushqimi i çrregullt nuk përfshin simptoma aq të rënda sa çrregullimet e të ngrënit.
Simpomat që përfshijnë të ngrënit në formën jo të duhur ndodhin më rrallë dhe janë më pak intensive.
Por, është e rëndësishme të theksohet se ushqimi i çrregullt mund të kontribuojë në zhvillimin dhe fillimin e një çrregullimi të të ngrënit në kohë, veçanërisht nëse nuk mbahet nën kontroll. /Gazeta Shneta/